Support Sefaria

Shavuot Update: In the last month more than 450 Sefaria users have become sustaining monthly donors. Thank you! That means that we need just 50 new monthly donors to reach our Shavuot goal. Will you be next? Sign up today and we will also send you an exclusive Sefaria Sustainer tote bag! Your monthly support is vital for the maintenance and growth of Sefaria’s library, and for making Jewish learning accessible to millions year round.

Become a Monthly Donor

Numbers, Chapter 29

ופי אליום אלאול מן אלשהר אלסאבע אסם מקדס יכון לכם כל צנאעה מכסב לא תצנעו ויום ג̇לבה יכון לכם

וקרבו צעידה מקבולה מרצ̇יה ללה רת̇א מן אלבקר ואחדא וכבשא וסבעה חמלאן בני סנה צחאחא

ומעהם מן אלבר סמידא מלת̇ות̇א בדהן ת̇לאת̇ה עשור ללרת̇ ועשרין ללכבש

ועשרא לכל חמל מן אלסבעה

ועתודא מן אלמאעז ד̇כוה ליסתגפר ענכם

מא כ̇לא קרבאן אלשהר וברה ואלקרבאן אלדאים וברה ומזאג̇המא כאלסביל מקבולה מרצ̇יה קרבאן ללה

ופי אלעאשר מנה אסם מקדס יכון לכם ואג̇יעו אנפסכם וכל עמל לא תעמלו

וקרבו צעידה ללה מקבולה מרצ̇יה רת̇א ואחדא וכבשא וסבעה חמלאן בני סנה צחאחא

ומעהם מן אלבר סמידא מלת̇ות̇א בדהן ת̇לאת̇ה עשור ללרת̇ ועשרין ללכבש

ועשרא לכל חמל מן אלסבעה

ועתודא מן אלמאעז ללד̇כוה מא כ̇לא ד̇כוה אלגפראן ואלקרבאן אלדאים וברהמא ומזאג̇המא

ופי אליום אלכ̇אמס עשר מנה אסם מקדס יכון לכם וכל צנאעה מכסב לא תצנעו וחג̇ו חג̇א ללה סבעה איאם

וקרבו צעידה קרבאנא מקבולא מרצ̇יא ללה ת̇לאת̇ה עשר רת̇א מן אלבקר וכבשין וארבעה עשר חמלא בני סנה צחאחא

ומעהם מן אלבר סמידא מלת̇ות̇א בדהן ת̇לאת̇ה עשור לכל רת̇ מן אלת̇לאת̇ה עשר ועשרין לכל כבש מן אלכבשין

ועשרא לכל חמל מן אלארבעה עשר

ועתודא מן אלמאעז ללד̇כוה סוי אלקרבאן אלדאים וברה ומזאג̇ה

ופי אליום אלת̇אני את̇נא עשר רת̇א מן אלבקר וכבשין וארבעה עשר חמלא בני סנה צחאחא

וברהם ומזאג̇הם ללרת̇ות̇ וללכבשין ואלחמלאן באחצאיהם עלי אלסביל

ועתודא מן אלמאעז ללד̇כוה סוי אלקרבאן אלדאים וברה ומזאג̇ה

ופי אליום אלת̇אלת אחד עשר רת̇א וכבשין וארבעה עשר חמלא בני סנה צחאחא

וברהם ומזאג̇הם ללרת̇ות̇ וללכבשין וללחמלאן באחצאיהם עלי אלסביל